!! تبين أتجرأ و أكذب؟

بسم الله الرحمن الرحيم ..,’

قصيدة كتبت بلغة العتاب و ما أجمل و أروع عتاب الأحبة لأنك أن كنت تحب حقا فسوف تعاتب !!! ...

إلى الأبيــات ..,’


تبين أتجرّأ و أكذب و أقول بدنيتي حـبّـيــن !! ؟؟

و أنــا من شوفتي أسمك يهز الشوق وجداني !!

غريبة يا الغلا كـله تـقـول أنـي هـجـرت الـزيـن

أحد ابــ يكفر النعمة و هو في العيش وحـداني ؟؟

أفا يا الروح ماظنك تناسى طـلتك في العيــن

أفا يا القلب لا و الله ما أدور و الحـلا جـانـي

يكــفّــيــني عن الدنيـا عيونك أحفظه لـي ديـن

و يوفيني عن الأبـيات عتــاب شـل أركـانـي

عجزت و زحمة المـوقف تسبب داخلي تـبـيـيـن

سليت أكتب لك الأشواق و تزيدين بـأحزانـي ؟؟ !!

أنا ماني مثل غيري وسط قلبه فتح بابـيـن

باب يهلي بـ الأول و بـاب يـودع الـثـاني

أنـا اللي من دخلتي القلـب قفلته بالغلا قفلين

قفلِ يـكتم العبرة و قفلٍ يشعل أشجاني

تعيش بدنيتي وحدي تعاتبني و تشتاقين

و انا اتفاجئ بكلماتك تظـلّـم وحشة اجفانـي

دخيلك قربي مني بأضمك يا الغلا هالحين

و لاني تارك أحضانك إلى ما الله يتــوفاني

أحبك قلتها من قلب ما قلته بنفس الشين

أحبك يا فخر روحي يا كامل دون خلاني

يا كم من عاذل غيرك تمناني أقول أهلين

أو أني ألتفت حتى و أطالع بأطرف أعياني

و لكن البلا بــ أني هويتك و الهوا سكين

غرامك يذبح الوافي عذابك غـــيّــر أزماني

عشقتك يا كرز عمري و توت الهايم المسكين

ولهتك يا أعذب أنفاس تمنت تدفي أحضاني

أبفرش لك رموش العز و في قلبي مكانك وين

مكانك ماخذ صدري حدود الصين و ألماني
تحيــــــــــاتي لكم
admin